Ikibazo abantu barahindura Idini ntibari guhinduka Imitima . kurikirana umunsi wa gatanu w’igiterane cy’ivugabutumwa Ev. Jean Baptist KANOBANA

Icyumweru cy’ivugabutumwa ku munsi wa 5

Intego: “Umutima mushya guhinduka nyakuri”

Abaroma 12:2“Kandi ntimwishushanye n’ab’iki gihe, ahubwo
muhinduke rwose mugize imitima mishya, kugira ngo mumenye neza ibyo Imana
ishaka, ari byo byiza bishimwa kandi bitunganye rwose”.

Ushobora gukora Imirimo y’Imana ariko udakorera Imana. Kuko niba
warahindutse ariko ukaba ukigenga ku mu biri nturahinduka. Pawulo abwira abantu
ati “ntimwishushanye n’abiki gihe”.
Pawulo avuga neza mu rwandiko rwa 2
yandikiye timoteyo mu bice bitatu abiki gihe abo aribo. “Umenye yuko mu minsi
y’imperuka hazaza ibihe birushya, 2kuko abantu bazaba bikunda,
bakunda impiya, birarīra, bibona, batukana, batumvira ababyeyi babo, indashima,
batari abera, 3badakunda n’ababo, batūzura, babeshyerana,
batirinda, bagira urugomo, badakunda ibyiza, 4bagambana,
ibyigenge, bikakaza, bakunda ibibanezeza aho gukunda Imana, 5bafite ishusho yo kwera ariko bahakana imbaraga zako. Abameze
batyo ujye ubatera umugongo”. Icyo yarimoasobanura nuko dukwiriye kwemera abo turibo tukareka kwirata abo
tutaribo.

Hari ibintu twavutse dukora, kandi tuzapfa dukora kandi
bihorana umwimerere wabyo: kurya, kwambara cyakora imyenda yahinduka, no
kuryama. Ninako gukizwa bihorana
umwimerere wabyo bidahinduka, kandi bizahoraho. Rero iyo umaze gufata aya
mahitamo, yo gukizwa ubaho uko abakijijwe babaho, ntabwo ubaho nkuko ab’iki
gihe babaho. Rero abantu bakijijwe
bashaka kubaho nkuko ab’iki gihe babaho ntibazigera bagira umutima mushya. Aya mahitamo agutera kubaho ubuzima
budasanzwe budahura n’ikinyejana.

Rero niba dufashe ubuzima bivuze ko abubu tubasanzwemo,
ahubwo tugomba gusa n’abatubanjirije uko basaga. Dore uburyo umuntu ahindukamo:

1. Imyumvire.

Ntushobora guhindura uburyo wabagamo utari wahindura
imyumvire. Impamvu abantu ubukirisitu
bubagora, ni ukuberako bashaka kugendana n’ikinyejana mu nzira y’ubukirisitu.
Kugirango ugire wa mutima mushya ugomba guhindura imyumvire yawe. Nkuko bibiliya
itubwira ko hari umwana wikirara wari murugo nyuma ahindura imyumvire yaka
umugabane we aragenda, hanyuma ibyo bamuhaye
arajyenda abyahisha ubugoryi bwe. Iyo yari yamyumvire. Nyuma ahinduye
imyumvire aravuga ati “kwa data bararya bagasigaza, nubwo namuhemukiye, ati
ngiye kujyenda mwikubite imbere ndebe ko ya mbabarira.” Ni ukuvuga ko ubwo yari
asubiyeyo yari ahinduye imyumvire kuburyo nta tegeko narimwe rya se
rizamubangamira. Ariko ikibazo abiki gihe bahindura idini ariko ntibahindura imyumvire.

• Ukwiye guhinduka
  mu byifuzo

ukwiye guhinduka mu buryo ushakamo imibereho yawe, kuko
ijambo ry’Imana rivuga ko ukunda impiya aba yihinduye umwanzi w’Imana kuko
gukunda impiya ari umuzi w’ibibi byinshi. Gutunga si bibi ariko iyo urarikiye
cyane ibirenze ibyo ukwiriye bingana no kugwa. Urugero rwiza twarukura kuri
Zakayo. Bene data dukwiriye kugwiza imbaraga z’umutima kuko mu buzima bw’ubukirisitu,
tugomba kugeragezwa. Bishoboke ko zakayo uyari umushomeri bigatuma ajya gukora
ibyo ati akwiriye gukora.

Rero kubera inyota zakayo yari afite yagiye kwaka akazi mu
baroma kandi bitari byemewe, maze nawe bamuha akazi kabi k’umukoresha w’ikoro. Maze
nawe agakora yambura abantu nta mpamvu. Mukujya kureba Yesu  m ntabwo yashakaga gukizwa ahubwo yashakag
kureba Yesu. Yesu ageze munsi y’igiti cy’umuvumu amubwira ko akwiriye kurara
iwe. Yesu ahageze yigishije, inyota ye yo gushaka ubutunzi, irashira aravuga
ati “ndashaka
gusubiza ibyo nambuye kandi uwo nambuye ibye ndamuriha kane” none
inyota ya Zakayo yashiriye hehe? Yashiriye muri Yesu Krisitu. Iyo uhindutse
Kirisitu akubera byose.

• Umuntu agomba guhinduka mu bikorwa.

Pawulo nawe yakoraga nabi, kuko yashakaga icyubahiro azingo
ari kurwanira Imana ishyaka, ariko mu buyobe. Amaze guhinduka, rimwe ari
kwigisha umuntu urimo dayimoni akajya abajya inyuma abamamaza, maze y’uzuye
umwuka wera aramucyaha amwirukana mo dayimoni kuko yari umupfumukazi,
abamukuragamo inyungu  babonye ntakintu
bazamwungukamo barabakurubana babata munzu y’imbohe. Buzuye umwuka we na Silas
bararirimba,imiryango ya gereza irafunguka n’iminyururu iradohoka umurinzi wa
gereza agiye kwiyica aramubwira ati sigaho. Impamvu yamubwiye ati have have ,
nuko yari yarahindutse. Rero dukwiriye
guhinduka muri byose kuburyo bigaragarira abantu.

Mu gitabo cyo kuva bibiliya itubwira Mose, wavutse mu gihe
kibi, ariko Imana igihinduramo igihe kiza cyo kurerwa n’umukobwa wa Falawo. Akurira
muri ayo mahirwe ntiyaba umucakara, yiga heza, atozwa igisilikare. Yari yishushanyije n’Abanyegeputa ariko
amaze gukura asanga adakwiriye kwishushanyana nabo, ahitamo kurenganyanwa hamwe
na bene wabo b’Abisirayeli  kugirango
azahabwe gakondo nawe. Ariko impamvu ni ukubera ko yari agize ihishurirwa. Utari wagira ihishurirwa ko hari gakondo,
ntushobora guhindura imyumvire.

Bukeye atangira kugira ishyaka, asanga umunyegiputa akubita
umuyisirayeli, aramwica amuhisha mu musenyi bukeye, asanaga noneho Abisirayeli
2 barwana ababajije ati “murapfa iki?” undi aravuga ati “ ninde wakugize
umucamanza wacu?”uragirango nange unyice nkuko wishe wa munyegiputa? Bituma ahununga.
Mose yarimo akoresha ingufu ze, ariko ntabwo mugakiza ushobora gukoresha
imbaraga z’umubiri. Byatumye ahunga ajya i Midiyani aragira intama imyaka 40
ari gucishwa bu gufi. Ashiramo umujinya,
uwari umusirikare ahinduka umushumba. Kugirango Imana izamuhinduremo  uwo kuyobora abantu bayo.

Nguku uko yahindutse: yahindutse mu gushaka icyubahiro, umuntu ubaye umushumba n’ibyifuzo bye byarahindutse, umujinya wari waramaze kumushiramo, yari amaze guhinduka rwose. Iki gihe nibwo Imana yamuhamagaye.