“ Ubundi Umukristo agomba gutukwa kubera impamvu imwe gusa” INGABIRE Clarisse

Umwigisha kuri uyu wa Gatanu tariki ya 29/11/2019 yari INGABIRE Clarisse akaba umukristu
ushima Imana kandi akaba umunyeshuri muri kaminuza aho yiga mu gihugu
cy’ubudage(German),yiga ibijyanye no kubaka(Civil engineering),yatangiye
asobanura gusenga icyo aricyo,yavuze ko ari ukuganira n’Imana,kuganira n’igihe
uba avugana n’undi baba bari kumvikana rero iyo dusenga tugomba kuba turi
kumvikana n’Imana, Ikumva nawe uri kuyumva.

Yakomeje avuga ko kuvuga  inyungu ziri mu kuba muri Yesu kristo,biragoye
kuzivuga kuko ni nyinshi cyane  kandi ko  kuba muri Yesu kristo ari ubuzima,akomeza
asoma Ijambo ry’Imana riboneka mu butumwa bwiza buboneka muri Mariko 10:28,yavuze
ko gukurikira Umwami Imana harimo no kwemera kubura nibyo warufite niyo mpamvu
Petero yabajije Yesu ati” ko twebwe twaretse ibyacu tukagukurikira bizagenda
bite?” Yesu yaramusubije ati abemeye kureka ibyabo bakankurikira,bazakubirwa
inshuro ijana ariko yongeraho ko no kurenganwa birimo,ariko abakristu biki gihe
ntabwo bashaka kurenganwa kubera Yesu kristo barotse,iyo ushaka kuba uzwi
n’abantu(kugira hit mu bantu) uzasa nabo rero aha uba wataye umurongo Ijambo
ry’Imana uduha.

Umwigisha yavuze ko ikintu kigomba gutuma dutukwa ni Yesu
Kristo wenyine,avuga ko nubwo waba ufite amashuri menshi ukumva ko uri umuhanga
ntakintu cyaruta gutunga Yesu,ntakintu cyo kwirata gihari kuko Paulo nawe
yarabivuze kandi yarabifite.

Umwigisha yatanze ubuhamya bw’ukuntu yakiriye Yesu kristo,avuga
ko yamaze igihe kinini atari uw’Imana kuko yageze mu Budage(German),akora
ibyaha byinshi ku buryo yageze aho ararambirwa, Umunsi umwe Imana yakoresheje
umukozi w’Imana wari uvuye mu Rwanda,baza kuvugana aratura,barasenga yumva
atangiye kubohoka, ariko nyuma yagiye hari ibintu yanze kurekura harimo kubyina
ariko Imana iza kubimubuza kuko hari ibyo yabyinaga bitaheshaga Imana agaciro
nonese mwenedata wowe ntakintu wanze kurekura?, Nyuma aza kubatizwa mu mazi
menshi, ubu arashima Imana ko yakiriye Yesu kristo.

Zimwe mu nyungu ziri
mu kuba muri Yesu kristo kuko ni nyinshi

1.Yesu yaje kudukiza kurimbuka,adukiza umujima uzatera kuko
ngo iyo usomye ibyanditse usanga Yesu yaravuze cyane kuri gehenomu kuko
adashaka ko turimbuka.

2.Yaduhaye Imbabazi bituma kwemerwa ku Mana.

3.Yesu niwe utuma dusenga tukemerwa,dore ko ari we watumye
tube abana b’Imana. Yavuze ko Inyungu zo kuba muri  Yesu kristo 
Ntabwo zibonekerwa mu butunzi bwo mu Isi kuko nitujya mu ijuru ntabwo
bazabibaza.

Umwigisha yasoje abaza ngo “ mbese twiteguye kurenganwa kubera Umwami Yesu?”

Mbese wowe mwenedata  wakwemera kurenganwa kubera Yesu Kristo?